[娛樂] 星光家族演唱會 - 蘋果動新聞

2010-02-18 星光家族處女騷內訌羅力威寸亢帥克「你有fans咩?」


羅力威(右)和亢帥克是星光家族中最受歡迎,兩人在台上互窒搞氣氛。


[蘋果動新聞]一班亞視星光家族成員因參加歌唱比賽實現夢想,前晚眾人在九展舉行一連兩場演唱會,當中以冠軍羅力威成全晚風頭躉,一向 cool爆的他更在台上寸爆亞軍亢帥克,取笑他是否有 fans捧場。

一連兩場的《 3 Rock Your Dream星光家族演唱會》前晚在九展 Star Hall舉行,當晚一眾評判如肥媽瑪利亞、周國豐、 Walter Ma及前亞視高層張永霖等到場睇騷支持。

譚杏藍勁谷胸
當亢帥克獨唱完後,羅力威出場大搞氣氛,亢帥克問他為何走到台前,羅力威寸爆說:「你有 fans咩?你有好多 fans,睇吓大家係咪咁易畀掌聲你。」亢帥克坦言外界指他們不和,羅力威聞言只說:「其實我哋好 friend,我仲寫咗首歌畀佢,因為我冇佢唱得咁好。」亢帥克聞言笑稱:「威哥寫歌畀我喎!真係好難得,多謝晒。」各成員皆悉心打扮,當中以譚杏藍一條紅色吊帶裙最性感,加上她又谷胸擘髀,認真出位。
當晚一眾成員以唱別人的歌為主,雖然錯漏百出,但氣氛尚算不錯。


享受明星感覺
尾聲時羅力威再度出場為經常黑面自辯說:「希望大家體諒我,我音樂創作時係自閉啲,匿埋一邊同周圍唔融洽。」不過他坦承成為明星受人注目感覺很正。
後台問到羅力威及亢帥克是否真的不和?兩人異口同聲表示:「梗係唔係,我哋冇不和,只係搞吓氣氛。」
採訪:胡比 攝影:陳順禎

星光家族成員前晚在 Star Hall開演唱會,各人互相打氣。


Source from 蘋果動新聞:http://hk.apple.nextmedia.com/
Related Posts with Thumbnails
Related Posts Plugin for WordPress, Blogger...

最新影片
( 請按三角形圖案展開或收藏, 不要按日期月份,否則等很久!)